19 జులై, 2012

మహేష్ బాబు సినిమా దూరం దూరం!

























మహేష్ బాబు, వెంకటేష్ నటిస్తున్న ‘సీతమ్మ వాకిట్లో సిరిమల్లె చెట్టు' చిత్రం రోజులు గడిచే కొద్దీ మరింత దూరం దూరం అవుతోంది. సినిమా విడుదల దసరానాటికి అందుబాటులోకి వస్తుందని అనుకుంటే మరింత ఆలస్యం కావడం ఖాయంగా కనిపిస్తోంది. ఆ మధ్య ఈచిత్రాన్ని సెప్టెంబర్లో విడుదల చేసేందుకు ప్లాన్ చేస్తున్నట్లు నిర్మాతలు ప్రకటించారు. అయితే ప్రస్తుత పరిస్థితి చూస్తుంటే సెప్టెంబర్లో విడుదల సాధ్యం కాదని తెలుస్తోంది. అక్టోబర్ నెలలో ఈ సినిమా విడుదలయ్యే అవకాశం ఉందని యూనిట్ సభ్యుల నుంచి అందిన సమాచారం.
శ్రీకాంత్ అడ్డాల దర్శకత్వం వహిస్తున్న ఈచిత్రాన్ని ప్రముఖ నిర్మాత దిల్ రాజు శ్రీవెంకటేశ్వర క్రియేషన్స్ బేనర్‌పై నిర్మిస్తున్నారు. విక్టరీ వెంకటేష్, సూపర్ స్టార్ మహేష్ బాబు మల్టీ స్టారర్‌గా ఈచిత్రం రూపొందుతోంది. మహేష్ బాబు సరసన సమంత నటిస్తుండగా, వెంకీ సరసన జర్నీ ఫేం అంజలి రొమాన్స్ చేస్తోంది.

పూర్తి కుటుంబ కథా చిత్రం రూపొందుతున్న ఈచిత్రం మహేష్ బాబు గత సినిమాలకు భిన్నంగా... మాస్, క్లాస్, ఫ్యామిలీ, యూత్ ఆడియన్స్‌ను మెప్పించేలా అన్ని చిత్రీకరిస్తున్నారు. దసరా నాటికి ఈచిత్రం ప్రేక్షుకుల తెచ్చేందుకు దర్శక నిర్మాతలు ప్రయత్నిస్తున్నారు. సంగీతం: మిక్కీ జె.మేయర్‌, ఛాయాగ్రహణం: గుహన్‌, సహ నిర్మాతలు: శిరీష్‌, లక్ష్మణ్‌.